Йошкар агытан озаланен

Интернет гыч налме фото.

2023 ий 1-9 январьыште Марий Элыште 18 пожар лийын. Кодшо ийын тыгаяк жапыште 24 туткар лийын.

Йошкар агытан кок суртым да ик техникым пытарен, кум еҥ эмганен. Пожарный-влак 19 сурт-оралтын да кум техникым утарен коден кертыныт.

Эн чот Йошкар агытан Йошкар-Олаште озаланен, 8 сигнал пурен.

Пожар тӱҥалме тӱҥ амал тул дене шотдымын пайдаланымаш.

Туткар годым «101», «112» номеран телефон дене йыҥгыртыман.