Йомакысе чын илаш полша

Е.Никифоровын фотожо.

10-11 ноябрьыште Донецкысе А.Б.Соловьяненко лӱмеш опер да балет кугыжаныш театр «Большие гастроли» программе почеш Марий Элыште лийын. Коллективын 107 еҥан труппыжо Э.Сапаев лӱмеш опер да балет театрын сценыштыже «Малыш ден Карлсон», «Пер Гюнт» да «Тысяча и одна ночь» балет-влакым ончыктен.

Театр Донецкыште ола покшелне верланен. Тыште 24 февраль годсек петыралтше режим дене, но чарныде пашам ыштат. Чыла тидын нерген «Донбасс-опера» театрын (тудым кӱчыкын лу ий ончыч тыге манаш тӱҥалыныт) художественный вуйлатышыже да нине постановко-влакым шындыше Вадим Писарев дене вашлийын мутланышна.

Эльвира Терентьеван фотожо.

– Вадим Яковлевич, специальный военный операций кайыме верыште неле гынат, пашам ыштеда.

– Чынжымак, ме тений февраль гыч спектакльым шкенан театрыштына ончыктен огынал. Но репетицийым кажне кечын эртарена.

У ий пайрем кечылаште театрыштына «Щелкунчик» спектакльым ончыктенна – тидыже шкешотан йӱлашке савырнен. Сандене теният ты оҥай, У ий шӱлышан пашанам Донецкысе зрительлан, йоча-шамычлан пӧлеклаш шонымаш дене илена. Тиде спектакльым еш дене ончаш коштыт. Кузе лиеш огына пале, но шонымашнам кавашке, Юмо деке, колтена, шукталтеш манын ӱшанена. Зрительна дене вашлийме куанле пагыт вашкерак толжо ыле…

ИНТЕРВЬЮМ УМБАКЫЖЕ — «Кугарня» газетын 18 ноябрьысе номерыштыже лудса. Кевыт