22-30 мартыште С.Чавайн лӱмеш Калыкле книгагудышто Йоча книган арняже эрта.
Ик арня жапыште йоча-шамычлан тӱрлӧ мероприятийым эртараш палемдыме. Уна-влак «Виктор Драгунский. «Денискины сказки»» литератур программыш ушнен кертыт. 29 мартыште 12 шагатлан литератур да сымыктыш пӧлкаште сӱретче-влак коклаште «Книга дарит вдохновенье» конкурсым иктешлаш да сеҥыше-шамычым саламлат. Тыгак сеҥыше да призёр-влакын пашашт дене палдарыме ончер лиеш. Тылеч посна тӱрлӧ экскурсий, квест, уш-акылым тарватыше программе-влак келыштаралтыныт.