3 апрельыште Тазалыкын тӱнямбал кечыже лӱмеш элнан тӱрлӧ кундемыштыже «10 тысяч шагов к жизни» Российысе акций эртаралтеш.
Рӱдӧ площадкыжлан Москосо ВДНХ шотлалтеш. Мероприятийышке кажне кумылан еҥ ушнен кертеш. Кодшо ийын тыгай акцийыш ик жапыште 1 млн наре еҥ ушнен.
«Лига здоровья нации» Российысе мер организаций «Каждому муниципалитету – маршрут здоровья» Российысе проектым умбакыжат илышыш шыҥдара. Ты проектышке шуко муниципалиет ушна. Вет кундемыштына илыше еҥ-влаклан тазалыкым пеҥгыдемдаш манын, йолын коштмаш эн сай йӧнлан шотлалтеш.
Проект почеш олалаште да селалаште тазалык маршрутым ыштат.