14 ноябрьыште Марий Элым Вуйлатыше Ю.Зайцев вияш эфир годым республикысе еҥ-влакын йодышыштлан вашмутым пуэн.
Тыгодым тӱрлӧ йодышым нӧлталме. Тыгак тушто рашемын: могай сомыл ончыкыжым кундемыштына ышталтшаш. Тиддене кӱчыкын палдарена.
ↆ Экономикын тӱҥ сферлаштыже показатель-влак кугемшаш улыт, бюджет ешаралт толеш да тыгодымак республикыште илыше-влакын илыш условийышт саемеш.
«Санкций-влак лийыныт гынат, ме эркын дене вияҥына, тидын нерген показатель-влак ойлат. Промышленный производстве 18 процентыш шуын, чоҥымо паша – 11 процентыш. Ялозанлыкысе производстват шукемын. Тидыже республикысе бюджетым 13,5 процентлан кугемдаш амалым пуэн. Тидак социальный объект-влакым чоҥымо дене кылдалтеш», – каласен Ю.Зайцев.
ↆ Республикыште 190 инвестпроект почеш паша шукталтеш. Тудын акше – 40 млрд теҥге. Кызыт Марий Элыште 11 национальный ден 47 региональный проект-влак шыҥдаралтыт. Южо проектше дене ик эн сайын шуктышо 10 кундем коклашке логалынна. Мутлан, «Безопасные качественные дороги» нацпроект дене.
УМБАКЫЖЕ — КУГАРНЯ газетыште.