✅ «Марий Элын Талешкыже-влак» кадр программын ик тӱҥ пайдаже – тиде социал координатор-влакым ушымаш. Нунын задачышт–ты программыш ушнаш шонышо-влаклан документ дене полшаш веле огыл, а кажне участник дене йодмашым пуымо гыч программым мучашлыме марте пелен лияш.
СВО-што служитлыше южо салтак «Марий Элын Талешкыже-влак» программыш ушнаш кумылан гынат, ойырен налме процедурын чыла детальжым, тунемме да паша верым мумо йӧнжым огеш пале, сандене кокытелана. Социал координатор – тиде каҥашым пуышо полышкалыше, тудо йодышлан вашешта да адаптацийым эртыме чыла этапыште полша.
🌐Тӱҥжӧ – 18 апрель марте герой-марий эл.рф сайтыште йодмашым пуэн шукташ.