3-9 март – Репродуктивный тазалыкым да мӱшкыран ӱдырамаш-влакын тазалыкыштым перегыме арня
Мӱшкыраҥме нерген ончылгоч шонымаш, тазалыкым эре терген шогымаш азам куштылгын ышташ веле огыл, тыгак йочалан сайын вияҥашыже полшат. Ончыкылык авалан шке тазалыкым кузе чын эскерыме шотышто Марий Эл Республикын тӱҥ акушер-гинекологшо Виктор Дробышев каласкала.
— Азам шочыктен керташлан тазалык сай лийже манын, специалист-влак деке профилактике шот дене тергалташ эре коштман. Гинеколог деке миен толмо, диспансеризацийым эртыме тазалыкым лунчыртен кертше, тидын шотыштак половой орган дене кылдалтше, азам ыштен кертдымашке шуктышо экшыкым, муаш полшат.
— Противозачаточный йӧным кучылтмылан да половой корно дене куснышо инфекций да чер деч аралалтмыланат тӱткышым ойырыман.
— Ончыкылык ава-влак тӱрлӧ витамин ден минераллан, клетчаткылан, белоклан поян кочкышым кочшаш улыт. Тидыже гормоным нормышто кучаш полша, вий-куатым ешара.
— Акушер-гинеколог деке жапыште коштмо мӱшкыран улмо жапым сайын коштын эртараш, профилактический анализ ден обследований-влакым ыштыме кеч-могай нелылыкым жапыштыже муаш, чактараш, азалыклан чын вияҥаш полшат.
— Мӱшкыран ӱдырамаш-влак шкем ласкан кучышаш улыт. Стресс, пуштыланыме аван веле огыл, йочанат тазалыкшылан эҥгекым конда. Садлан каналташ жапым муман.
— Мӱшкыран годым тамак, арака, наркотик деч йӧршеш кораҥман. Нуно ончыкылык ньоган тазалыкшым чот лунчыртат, аза черанак шочын сеҥа.
Икманаш, кажне ава умылышаш: шке тазалык верч азапланымаш ӱдырамашлан шканже веле огыл, а ончыкылык ньогажланат кӱлеш.
Марий Эл Республикысе Тазалык аралтыш министерствын материалже почеш ямдылыме.