Россий Федераций просвещений министерствын 2020 ий 2 сентябрьыште лукмо приказше почеш, тений школ пелен шотлалтше территорийлаште илыше да черет деч посна налшаш йоча-влакым икымше классыш колтымо нерген йодмашым 2021 ий 1 апрель гыч 30 июнь марте возаш лиеш.
Черет деч посна тӱҥалтыш класслаш тунемаш налме годым ик верыште да ик ешыште илыше да тиде школысо кугурак класслаш коштшо икшыве-влак улмым шотыш налыт.
Образовательный учрежденийыш налме нерген приказым школ директор-влак йодмашым налын пытарыме деч вара кум паша кече жапыште ямдылышаш улыт.
Йоча прописке почеш школ пелен шотлалтше верыште ок иле гын, икымше классыш колтымо нерген йодмашым 6 июль гыч яра вер-влак улмо годым возаш лиеш.
Тазалык шотышто нимогай нелылык уке гын, тÿҥалтыш классыш 6 ият 6 тылзым темыше да 8 ийыш шудымо икшывым налыт. Изирак але кугурак-влакым тунемаш колташлан ача-авалан (законный представительлан) йодмашым кид дене возыман да школ учредитель дене кутырен келшыман.
Начар тазалыкан икшыве-влакым лÿмын келыштарыме образовательный программе почеш туныктат. Тидлан ача-ава (законный представитель)-влакын йодмашышт да психолого-медико-педагогический комиссийын темлымашыже кӱлыт.
Школыш колтымо нерген документым туныктымо учрежденийыш шкеак намиен пуаш але почто дене заказной серыш семын колташ лиеш. Тыгак школын сайтыштыже возен але электрон почтышкыжо серышым колтен кертыда. Кугыжаныш але мунициапльный услугым пуышо сервислаштат ты шотышто полышым пуат.