Ийготыш шудымо ӱдыр-рвезе-влакым Кугыжаныш услуго порталыште регистрироватлаш лиеш мо?
М.Мамаева.
У Торъял район.
Йошкар-Олан прокуратуржо умылтара:
– РФ Правительствын 2022 ий 4 февральыште лукмо 111-ше №-ан пунчалже почеш, 14 ияш ӱдыр-рвезе-влак Кугыжаныш услуго единый порталыште регистрацийым шке эртен кертыт. Тидлан СНИЛС номер, паспорт данный, мобильный телефонын номерже да электрон почтын адресше кӱлыт.
Латныл ийым темыдыме йоча-влакым порталыште ача-авашт регистрироватлен кертыт.