Медведево районысо прокуратур Килемар, Советcкий, Оршанке районласе прокурор-влакын да Йошкар-Олан республикысе исполнительный учрежденийлаште законым шуктымым тергыме шотышто прокурорын, «Витязь» ФОК-н администрацийжын полшымышт дене йоча-влак коклаште мини-футбол дене турнирым эртарен.
Турнирым почмо годым Медведево районын прокуроржо Артур Морозов палемден: подростко-влакын таза илыш-йӱлам кучымышт – республикнан ончыко вияҥашыже негыз, сандене нуным спорт мероприятийлаш ушымо элын ик эн тӱҥ социальный задачыжлан шотлалтеш.
Район-влакын прокурорышт Алексей Михеев, Николай Бахтин да Александр Тораев, спецпрокурор Сергей Гусаченко участник-влакым саламленыт да сайын, чын да моторын модаш тыланеныт.
Турнирыш вич район гыч куд команде: «Восход» (Красногорский ), «Витязь» (Медведево), «Медведево» (Медведево), «Спутник» (Оршанке), «Звезда» (Советский), «Русь» (Килемар) – ушнен. Икымше верыш «Восход» команде лектын, кокымшо верыште – «Витязь», кумшо верыште – «Звезда».
Эн сайын модшылан «Восход» командын футболистше Артур Бариевым шотлымо. «Ончышо-влакын симпатийышт» призым «Звезда» командын модшыжо Анастасия Волкова налын.
Сеҥыше-влаклан кубок ден медаль-влакым кучыктеныт.
Дарья Гомзина.
