7-10 сентябрьыште Сургут олаште «Вместе – ради детей!» XII форум эртаралтын.
Тудым неле илыш ситуацийыш логалше йоча-влаклан полшышо фонд эртарен. Форумын тӱҥ площадкыже Сургутышто лийын, тыгак Россий мучко регионысо площадке-влак пашам ыштеныт. Марий Элысе площадкыште республикысе социальный вияҥмаш шотышто министерствын ешын, аван да йоча-влакын праваштым аралыме пӧлкам вуйлатыше Г.М.Ярцева докладым ыштен, «Доверие» рӱдерын директоржо А.Н.Ларкина да тусо специалист-влак паша опытышт дене палдареныт. Неле илыш ситуацийыш логалше йоча-влак дене пашам ыштыше моло рӱдер-влак тыгай ӱдыр-рвезе-влаклан полышым пуымо нерген ойленыт.