Йоча слёт

Марий Элысе образований да науко министерствын сайтше гыч налме фото.

24 ноябрьыште Йошкар-Оласе Сеҥымашын XXX идалыкше лӱмеш тӱвыра полатыште Марий Элысе йоча толкынын «Россия, мы – дети твои!» слётшо эртаралтын.

Тудо В.И.Ленин лӱмеш всесоюзный пионер организацийлан 100 ий теммылан пӧлеклалтын.

Слётышто интерактивный программе лийын, саламлымаш шомак, муро-влак йоҥгалтыныт, йоча-влак молодёжный куштымо флешмобыш ушненыт, самырык да кугу ийготан активист-влаклан наградым кучыктеныт. Тыгак «Дети Марий Эл – Донбассу» акцийым увертарыме.