Марий Элын калыкым социально вияҥдыме министерствыже ушештара, азапыш логалше кажне йоча, 8-800-2000-122 телефон дене яра йыҥгыртен, психолог деч кӱлеш полышым налын кертеш.
Психолог икшывылан деке республикысе чыла верла гыч стационар але мобильный телефон дене шке лӱмым каласыде йыҥгырташ лиеш.
Йочам ончен куштымо йодыш дене квалифицированный полышым налаш манын, ача-ава, опекым шуктышо еҥ, туныктышо, воспитатель тиде номер денак йыҥгыртен кертыт. Йыҥгыртыш-влакым огыт возо да колышташ огыт тӱнал.
Марий Элыште экстренный психологий полышым пуымо телефон номер: (88362) 21-10-40 (паша кечын).