Марий Элын социальный вияҥмаш министерствыже ушештара: азапыш логалше кажне йоча, 8-800-2000-122 телефон дене йыҥгыртен, психолог деч кӱлеш полышым налын кертеш. Тыгодым шке лӱмым каласыде йыҥгырташ лиеш.
Йочам ончен-куштымо шотышто квалифицированный полышым налаш манын, ача-ава, опекым шуктышо еҥ, туныктышо, воспитатель тиде номер денак йыҥгыртен кертыт. Мутланымым огыт возо да огыт колышт.
Марий Элыште экстренный психологий полышым пуымо телефон номер: (88362) 21-10-40 (паша кечын).