1 июнь – Йоча-влакым аралыме тӱнямбал кече. Тудым пайремлан шотледа да палемдеда мо? Ты шотышто ала ешыштыда иктаж-могай йӱла уло?
Светлана Филиппова, актрисе:
– Тений икшывына-влак 11 да 14 ийым теменыт. Кажне ийын 1 июньышто Йошкар-Оласе паркыш коштына. Йоча-влак карусельыште пӧрдыт. Вара кафешке пурена, а мӧҥгышкӧ тортым налын каена. 1 июнь – мыланнат, йоча-влакланат пайрем. Вет кеҥеж да каникул тӱҥалыт! Кугуракше июньышто Володя Дубинин лӱмеш лагерьышке канаш кая.
Йодыштмашыш ушнышо моло лӱмлӧ еҥын вашмутыштым «Кугарня» газетыште лудса.