2022 ийыште «Зеркало будущего» IV йоча фильм-влак фестиваль лиеш.
Тудо Горно-Алтайск олаште 26 март гыч 2 апрель марте эртаралтеш. Конкурс паша-влакым ныл направлений дене ямдылаш лиеш: игровой кино, анимационный кино, документальный фильм, видеорепортаж/видеоблог. Паша-влак тений сниматлыме лийшаш улыт. Йолташ, еш, пӱртӱс, усталык да моло темылан ямдылыме фильм-влакым 2022 ий 20 февраль марте колтен шуктыман. Ойыртемалтше паша-влакын авторыштым кинофестивальыш ӱжыт. Эн чолга да талантан ӱдыр-рвезе-влаклан грантым (50-150 тӱжем теҥге) пуат. Утларак информацийым зеркалобудущего.рф сайтыште муаш лиеш.
2-шо лаштыклан увер-влакым (51 (1669) No • 2021 ий 17 декабрь) И.Александрова, Е.Иванова, Э.Терентьева, И.Ямбаршева ямдыленыт.