Декрет отпускышто улам, икшывем ик ияш веле. Пашамат ышташ кумылем уло. Йочам коваже ончаш полшен кертеш. Пашаш лектам гын, декрет оксам тӱлымым чарнат мо? Россий Социальный фондын Марий Эл Республикысе пӧлкаж гыч вашештат:
– Декрет отпускыштат шинчышылан да пашам ыштышыланат шотлалташ ок лий. Ӱдырамашын иктыжым гына: пашадарым але декрет оксам – налаш праваже уло.
Ӱдырамаш декретыш кайыде але отпускым 30 арнялан варарак налын, а декрет гыч ондакрак лектын кертеш. Но тунам мӱшкыраҥмылан да азам ыштымылан пособийымат отпуск кечыласе жаплан веле налеш, а пашам ыштыме кечылан – пашадарым.
Йоча дене шинчыме жапыште тичмаш огыл кечылан пашаш лекташ да кокла пашадарын 40 процентше кугыт пособийым налаш лиеш. Законышто, пашадарым пособий дене пырля налаш манын, кечыште мыняр шагат пашам ыштыме шотышто нимом каласыме огыл. Тӱҥжӧ – тичмаш огыл кечым ыштыман.
© КУГАРНЯ 2018 - 2024