Российыште 2021 ийыште Йӱштӧ кугызалан икымше памятникым шогалтат. Той гыч ыштыме айдеме кӱкштан скульптурым Ставропольский край Железноводск олаште лиеш. Тудым Развалка курык йымалне «Летняя мерзлота» пещер воктеке шогалтат. Кызыт дизайнер-влак юзо образым ыштыме шотышто пашам ыштат.
АТурцийыште ик метрат пеле кужытан пластик гыч ыштыме Санта-Клаусым постаментыш шогалтеныт. Тудо Демра олаште (ожно тудым Миры Ликийские маныныт) шнуй Николай Чудотворецын храмже верланен. Ондак ты верыште Святой Николайлан куд метран памятник шоген, а 2000 ийыште олмешыже Санта-Клаусым вераҥдыме. Ынде Святой Николайлан памятникым черкыш пурымаште шогалтыме. А 2008 ийыште Санта-Клауслан памятникым кораҥденыт. Тудын олмеш Николай Чудотворецлан у памятникым ыштыме да вераҥдыме. Ынде тудлан Демра олаште чылаже кум памятник уло. Такшым Америкыш тиде шнуй еҥым шотлаш йӱлам голландец-влак конденыт, санденетудын образше Английысе Санта-Клаусын образше варналтын. А вара «Кока-кола» фирме полшен: 1931 ийыште рекламный компанийлан Чикагосо иллюстратор Х.Сандблом лач кызытсе Санта-Клаусым сӱретлен. Тиде йошкар костюман изи капан, ош пондашан, поро кугыза лийын.