Йӧратыше-влак шып мутланат

Притче

Ик гана туныктышо шке тунемшыже-влак деч йодын:

Молан вурседылме годым еҥ-влак йӱкыштым кугемдат?

– Ласкалыкым эскерымым чарнат, садлан йӱкышт кугемеш, – палемден ик тунемше.

Но молан кычкырыман? Вет воктене – йӧратыше чонан еҥ. Тудын дене тыматлын мутланаш огеш лий мо? Сыренат гын, молан вес еҥ ӱмбаке йӱкым кугемдыман? – уэш йодеш туныктышо. Тунемше-влак шке шонымашыштым радамлат. Тӱрлӧ вашмутым пуат.

Кунам еҥ-влак икте-весылан сырат, нунын шӱмыштат торла. Тыге  вурседылмаш, туманлымаш ылыжыт. Садлан ваш-ваш колаш манын, нунылан йӱкыштым кугемдаш логалеш. Шӱм вес шӱм деч кунар умбаке торла, тунарак йӱк кугемеш. А вет йӧратыше-влак шып мутланат. Нунын шӱмышт икте-весе деч тораште огытыл. А кунам эшеат чот йӧратат, тунам могай сӱретым ужына? – палынеже туныктышо. – Огытат мутлане, пелйӱкын пелештат, тыге шке йӧратымашышт деке эшеат лишкырак лийыт. Садлан нуно ик ончалтыш гычат ваш-ваш умылен умылат. Илышыште тыгеат лиеда. Садлан кунам йӧратыме еҥ дене ӱчашеда але вурседылыда, шӱмланда торлаш ида пу. Чоным йӱлалтыше торжа шомакым ида ойло, тыге кок шӱм икте-весе деч моткоч чот торлен кертеш, мӧҥгешла корнымат огеш му.