17 декабрьыште «Россия 1» телеканал дене Российысе «Синяя птица» конкурсын нылымше выпускыштыжо Марий Элысе куштымаш спортын сборный командыжын куштызыжо-влак Сергей Козлов ден Ева Фейгина выступатлен.
Сергей ден Ева программын нылымше выпускыштыжо мастарлыкыштым ончыктеныт. Нунылан финалыш лекташ 9392 номерыш 22 цифрым смс-серыш дене колтен полшен кертына. Айста, Сергей ден Ева верч шке йӱкнам пуэна!
Палемдыман, смс-серышым колтымылан оксам тӱлыман огыл, тудым ик телефон номер гыч ик гана колташ лиеш. 20 декабрь марте йӱклаш лиеш.