Марий Эл Вуйлатыше йӱдым эртарыме пӧртын у пӧлкажым ончен лектын.
Кызыт йӱдым эртарыме пӧрт неле илыш ситуацийыш логалше еҥ-влаклан социальный услугым ыштыме верлан шотлалтеш. Тиде учрежденийыште нелыш логалше еҥлан шокшо кочкышым, малаш йӧным пуат: малыме арвер комплектым да гигиене ӱзгарым ойырат. Тыште диспансеризацийым, медико-социальный экспертизым эртымаште полшат, лечебно-профилактический учрежденийлашке ужатат. Тӧнежыште улшо граждан-влаклан пашаш шогалтыме йодышлаште полшат.
Йӱдым эртарыме пӧртын мобильный бригадыже кажне кечын ола уремыште йӱштӧ пагытыште 30 наре нужна еҥым пукша. Учреждений кажне ийын неле илыш ситуацийыште улшо 200 утла еҥлан полша.
Марий Эл Вуйлатышын пресс-службыжо.