Айлу Валле (Ailu Valle) йӱдвел саам репер йӱдвел Финляндийын Утсйоки (Ohcejohka) общиныштыже шочын-кушкын.
2012 ийыште тудо шочмо йылме дене возымо кум сольный альбомым луктын. Айлу англичан да финн йылмыла дене возаш тӱҥалын. Шочмо йылмын мутвундыжо огеш сите манын, рвезе саам йылме дене возаш тоштын огыл.
Университетыште тунеммыж годым, Айлу саам калыкын тӱвыражым, тудын вияҥме корныжым, тыгак тиде калыкым ишыктыме нерген сайын пален налын. Тиде умылымаш мурызылан саам йылме дене возаш тӱҥалаш сай шӱкалтышым ыштен.
Кызытсе илыш йогынын да тудын пӱртӱс дене келшен толдымыжо реперын репертуарыштыже пӱсӧ верым налын шога. Айлу Валле саамла мурышо рэпер-влак дене кылым пеҥгыдемден.