Йошкар-Оласе следственный изоляторышто судитлалтше-влакын родо-тукымыштлан «Почмо омса» кече эртаралтын.
Уна-влакым хозяйственный обслуживаний пӧлкан еҥже-влак онченыт. Кызыт тушто 25 судитлалтше срокым шукта.
Инструктаж да тургыжландарыше йодышлан вашмутым пуымо деч вара толшо-шамычлан экскурсийым эртареныт, актовый залыште концертым ончыктеныт. Тыгак организатор-шамыч родо-влак дене мутланаш жапымат ойыреныт.
Россий ФСИН-ын Республикысе пӧлкажын сайтше гыч налме фото.