15 августышто Марий Элысе юнга-шамыч Угарман кундемысе Кстовский районысо Кадницы селан 660 ияш лӱмгече пайремыштыже лийыныт.
Мемнан эра деч ончычсо икымше тысячелетийыште ты кундемыште марий-шамычын Когакуки тошто олашт лийын улмаш. Ты кундемын шочшыжо Владимир Напитухин самырык моряк-влаклан экскурсийым эртарен. Нуно тошто ола олмышто верланыше мемориал-комплексым ончал савырненыт. Тушко Марий кундем гыч наҥгайыме рокым шавеныт да Козьмодемьянскыш тусо мландым конденыт.
Эрлашыжым лӱмгечым пайремлыме годым моряк-шамыч Кудьма эҥер дене «Святой Косма» парусникышт дене селаш пуреныт. Нуным ты кундемыште илыше да уна-шамыч, тыгак Кстовский район администрацийын вуйлатышыже вашлийыныт.
Юнга-влак шочмо кундемыш 17 августышто лектыныт. Ты кечын нунылан Юрино посёлкысо Шереметев замокышто экскурсийым эртареныт. Тидын дене Козьмодемьянск оласе «Паллада» парус клубын исторический экспедицийышт мучашлалтын. Курыкмарий район вуйлатышылан нуно Угарман кундем гыч кондымо мландым да шнуй памаш гыч налме вӱдым пуэныт.
Вӱдыштӧ – пуш, чонышто – куан.
«Паллада» клубын вуйлатышыже Андрей Желудкинын фотожо-влак.