Историйым шымлат

 

16-17 ноябрьыште Йошкар-Олаште «Регионы России в военной истории страны» IV Российысе научно-практический конференций лийын.

Икымше кечын конференцийын пленарный заседанийышкыже Марий Элым Вуйлатыше Ю.Зайцев толын. Тудо Эстон мландым утарымаште Нарва оласе бойышто 1944 ийыште колышо, 18-ше артиллерий дивизийын 42-шо миномётный бригадыжын 564-ше миномётный полкшын наводчикше М.Н.Докукинын мумо наградыжым родо-тукымжылан торжественно кучыктен. Кокымшо кечын 23 регион гыч историк-влак шке шымлымашышт дене палдареныт.