24-25 ноябрьыште Марий Элыште «Наше наследие» историко-документальный кино фестиваль лийын. Тушко школлаште да ссузлаште тунемше 2183 ӱдыр-рвезе ушнен.
Йошкар-Оласе Самырык-влаклан полатыште да ISpring университетыште тунемше-влаклан документ негызеш войзымо, историйым почын пуышо 16 кӱчык фильмым ончыктеныт. Нунын коклаште – «Бомба. Наши в Лос-Аламосе», «Июнь 41-й. Без грифа секретно», «Самое главное в жизни», «Мюнхенский сговор», «Имперские портреты. Пётр Первый + Михаил Ломоносов» да молат. Кажне сеанс деч вара Москосо да Санкт-Петербургысо историк ден режиссёр-влак кино нерген шке шонымашыштым каласеныт, самырык-влакын йодышыштлан вашмутым пуэныт.