Марий Элым Вуйлатыше Ю.Зайцев «Нтех Лаб» компанийын еҥже-влак дене вашлийын.
Вашлиймаш годым регионыштына кӱлешан задаче-влакым шуктымо годым у технологийым кучылтмо шотышто иктешлымаш-влакым ыштеныт. Тидын шотышто ойпидышым тений Петербургысо тӱнямбал экономический форумышто подписатленыьт ыле.
Юрий Зайцевын палдарымыж почеш, кундемыштына цифровой трансформаций аланыште проект-влакым илышыш шыҥдарыме моткоч кӱлешан, поснак – лӱдыкшыдымылык да транспорт отрасльлаште, общественный порядкым шуктымаште. Искусственный интеллектым чоҥымо аланыште да ЖКХ услугым пуымаште кучылташ шонат. «Нтех Лаб» компанийын гендиректоржо Алексей Паламарчукын мутшо почеш, Марий Элыште видеоаналитике негызеш икмыняр платформым пилотный проект семын терген онченыт, нунышт общественный порядкым шукташ полшат.
Марий Элым Вуйлатышын пресс-службыжын фотожо.