Марий режиссёр Денис Шаблийын «Ирга» фильмжылан «Золотое руно» национальный кинон тӱнямбал фестивальыштыже тӱҥ призым кучыктеныт.
Премьер 7 августышто веле лийын, ынде тудо наградымат налын шуктен. Тиде фильм тулыкеш кодшо ӱдыр нерген. Съёмко Марий Элыште эртаралтын, тушко 200 наре еҥ ушнен. Российысе палыме актёр-влак коклаште Вадим Андреев ден Йошкар-Олаште шочшо Ирина Темичева модыт.