Волжский межрайонный прокуратур Пӧтъял ял шотан илемын пашаштыже инвалид-влакым социально аралыме шотышто законодательствын шуктымыжым терген.
Пале лийын: Пӧтъял ял шотан администрацийын зданийыштыже организацийын лӱмжым, пашам ыштыме жапым да вес информацийым возыман, контрастан фонышто Брайльын рельефно-точечный шрифтше дене ыштыме вывеске лийын огыл. Прокуратур ял шотан илемым вуйлатышылан представленийым луктын, тудын почеш титакан должностной лицам дисциплинарно мут кучаш шогалтыме.
Тылеч посна межрайонный прокурорын алмаштышыже Пӧтъял ял шотан илемым вуйлатыше шотышто РФ КоАП-н 9.13 статьяж почеш административный правонарушений шотышто административный делам тарватен. Судьян пунчалже почеш должностной лицалан 2000 теҥге штрафым тӱлаш палемдыме.
Судебный акт вийым налын шуктен огыл. Экшыкым кораҥдымешке, ситуацийым прокуратур терга.