Россий Минцифр ден Минпросвещенийын «Цифровой ликбез» просветительский проектым шыҥдарат.
Цифровой грамотность нерген 12 анимированный видеороликым ямдылыме. Нуно педагог ден ача-ава-влаклан темлалтыт. Тидыже йоча-влакым Интернетым кӱлеш семын кучылташ полша. Вет йодыштмаш ончыктен: соцсетьыште 82% икшыве палыдыме еҥын «йолташыш пурташ» йодмашыж дене келша да пурта; 30% йоча кибербуллинг дене вашлиялтын, 14% икшыве ден 38% кугыеҥ онлайн-мошенничестве дене тӱкнен. Шукынжо чыла аккаунтышто икгай парольым кучылтыт да эн ончыч лекше wi-fi дене пайдаланат. Проект йоча-влакым эҥгек деч посна контентым кучылт мошташ туныктышаш.