Йошкар-Оласе 2-шо номеран школышто тунемше-влаклан «Авито» компанийын «Цифры» почмо урокшо лийын.
Тудо «Цифровой ликбез» просветительский проект почеш илышыш шыҥдаралтеш. Ӱдыр-рвезе-шамычым программированийын негызшылан туныктат, интернет гоч тӱрлӧ сделкым ыштыме годым кузе шкем аралымае нерген палдарат.
Тыге тунемше-влак интернет дене лӱдыкшыдымын пайдаланаш тунемыныт. Моло-шамычым кӱлеш-оккӱл паша деч аралыше специалист семын шкеныштым тергеныт. Тыгак цифровой кумдыкышто порядкым эскерыме, личный данный-влакым чын аралыме, мошенник-шамычын манипуляцийыштым умылымо да антифрод системын кузе пашам ыштымыж шотышто шинчымашыштым нӧлтеныт.
Тылеч вара ӱдыр-рвезе-влак шинчымашым пеҥгыдемдаш полшышо заданий-влакым шуктеныт. Тудым эртымеке, нунылан сертификатым кучыктеныт.