Интернетыште информаций шуко. тудо вашке еҥ коклаште шарла. садлан тушто мом ышташ, мыняр жапым эртараш лиймым эреак шекланыман!
Кажне еҥлан шке чын лӱмдам, фамилийдам, телефондам, адресдам, кушто тунеммыдам ойлыман огыл. Тыгак ешдан да шкендат фотографийдам чылалан пуаш ида вашке.
Электронный почтышкыда палыдыме еҥ деч иктаж файл толын гын, почаш вашкыман огыл. Шкежат тӱрлӧ спамым ида колтыл.
Еҥ коклаште шкем ласкан кучыман. Сырыме, вурседалме койышлан ылыжаш йӧным ида пу.
Ешыште ача-ава дечын йодде, оксаштым налаш ида тошт.
Интернетыште палыме лийме йолташ дене вашлияш ида вашке. Шукыж годым нуно шоя лӱмым нумалыт, сандене нунын коклаште преступник-влакат шагал огыл вашлиялтыт.
Интернетыште шкендан нерген кӱлеш-оккӱл возымашым ужыда гын, ача-аваланда вигак ойлыза. Нуно тыланда кӱлеш решенийым муаш полшат.
Интернетыште вес еҥын фотографийжым, документшым качатлымылан закон почеш мутым кучыктат. Тыгай сомылым шуктымаш шолыштмашлан шотлалтеш. тӱткӧ лийза!
Иктаж еҥ дене интернет гоч вашмутланымашым ыштыме годым шоя лӱмым кучылташ йӧнарак.
Вес пользовательымат пагалаш тунемза.
Иктаж могай осал койышым ончыктышо ссылкым почында гын, кугурак еҥ-влак деч полышым йодаш ида ӧр.
Интернет дене пайдаланаш шонеда гын, воктенда кугурак еҥ-влак улмо годым тидым ыштыза. Тыге шкендам да ача-авадам тӱрлӧ осал паша деч араледа.