Илалше ден инвалид-влаклан Йошкар-Оласе «Сосновая роща» интернат-пӧртым ачалат.
Тудым уэмдаш 200 млн утла теҥге ойыралтын. Тиддене зданий ончылым, омса ден окнам вашталтат, ырыктыме системым, пӧлемлам олмыктат, сантехнике пашам шуктат, кӱлеш мебельым налыт. Тыгак кофейньым, книгагудым, камин залым да канаш моло верымат йӧнештарышаш улыт. Чыла сомылым 2024 ий ноябрь марте ыштен шукташ палемдыме.