Интеллектуальный увертарымаш сервис

Йошкар-Оласе 8-ше номеран троллейбуслаште интеллектуальный увертарымаш сервисым ыштеныт. Тиде проектым кызытеш тиде маршрутыш веле шыҥдареныт, вет тудо эн кужу 28 км.

Сервис чарналтыш нерген веле огыл, тыгак йырваш улшо объект дене палдара. Тиде сервисыш пураш манын, кылвер дене пурыман але Алиса йӱкан полышкалышылан «Алиса, запусти навык «Троллейбусные экскурссии в Йошкар-Оле», ойлыман. Тыгак транспортышто пижыктыме QR-код дене пайдаланаш лиеш.

Тиде проектын авторжо – IT-специалист Сергей Якунин. Тудын аудиопроектым «Сильные идеи для нового времени» форумышто сайлан шотленыт.