Инклюзивный образований нерген Call-центр гоч пален налаш лиеш.
Тыгай йӧн инклюзивный образованийым вузышто налаш шонышо ӱдыр-рвезе-влаклан пуалтеш. Тӱҥ шотышто йодыш-шамыч ончылгоч ямдылалтме, тунемаш пурымо шотышто, кузе тунемме процесс эртыме, могай документ кӱлмӧ дене кылдалтыныт.
Тендан икшывыда але палымыда тазалыклан кӧра тыгай йӧн дене тунемаш шона гын, 8-800-222-43-50 номеран телефон дене йыҥгыртыза але rumc@vyatsu.ru электрон адрес дене серышым колтыза. Йыҥгыр ден серышлан 8 гыч 17 шагат марте кажне паша кечын вашештат.