Республикысе клинический госпитальлан кызытсе жаплан келыштаралтше у оборудованийым наледыме. Ты поро пашам ышташ «Тукым-влакын поро шарнымашышт» фонд полшен.
2021 ийыште госпиталь фондын увертарыме конкурсышкыжо ушнен да 9 миллион теҥгеаш грантым сеҥен. Ты окса кӱшеш госпитальысе физиотерапевтический отделенийым у оборудований дене пойдарыме. Тыште вич тӱжем наре еҥлан медицине полыш пуалтеш. Тыгак Специальный военный операцийыште лийше-влаклан.