Марий Эл «Тотальный диктант» калык кокласе шинчымаш акцийыш индешымше гана ушна. Диктантым 9 апрельыште Марий кугыжаныш университетыште, «Точка кипения» рӱдерыште, С.Г.Чавайн лӱмеш книгагудышто да республикысе шинчымашым пуышо рӱдерлаште возат.
Текстын авторжо — кызытсе российысе писатель Марина Степнова.
Тудо «Сад», «Женщины Лазаря», «Хирург», «Безбожный переулок» роман-влакым, «Где-то под Гроссето» ойлымаш сборникым савыктен луктын. Автор «Женщины Лазаря» романже дене Российыште да йотэллаште кумдан палыме лийын. Тудын лӱмжӧ «Большая книга» премийым кучыктеныт, тыгак «Русский Букер», «Ясная Поляна» да «Национальный бестселлер» спискыш логалын. Марина Степнован прозыжым 25 йылмыш кусарыме.
31 мартыште 19:00 шагатлан Москосо книга пӧртыштӧ «Тотальный диктант» акций вашеш М.Степнова дене усталык вашлиймаш эрта. Тудым вияш эфирыште https://vk.com/totaldict?z=video-45701667_456240079%2Fb4f7f63b02c0dd62e4%2Fpl_wall_-16793897 ссылке дене ончаш лиеш.