- Ты пушеҥгын саскажым кочкаш ок йӧрӧ, но тудым медициныште кучылтыт: варикозым тромбофлебитым эмлыме, вӱргорным пеҥгыдемдыме да моло чер годым.
- Имньыгаштан (конский каштан) кушмо эллаште пушеҥге саска гыч ложашым йоҥыштат да тӱкан шолдыра вольыклан пукшымо кургыш ешарат. Тушто кӱлешан вещества шуко, а каштан саскан кочо тамжылан вольык вашке тунемеш.
- Ты кушкылым «конский» манын лӱмдымаште кок тӱрлӧ шонымаш уло. Иктыжлан ӱшанаш гын, ты саскам ожно имне-влаклан пукшеныт. Вес шонымаш почеш, каштан пушеҥгын шемалге-кӱрен да йылгыжше саскаже тыгаяк тӱсан имне коваштым шарныкта.
- Имньыгаштан пушеҥге 300-500 ий наре ила да эре саскам пуа.
- Кушкылат, саскажат тӱрлӧ веществалан поян улыт: кумарин, флавонид, дубильный вещества да молат.
Фото: freepik сайт гыч налме.