Республикысе имне спорт школ у верыш кусна.
Тудо Медведево район Кугу Шаплак ялысе «Чудо-кони» йоча конно-спортивный комплексыште лиеш. Кызыт у верыш имнешке-влакын оборудований ден экипировкыштым, 25 имньылан снаряженийым, турнирым эртарыме барьерым, ялозанлык техникым, кӱлеш препарат ден кормам шупшыктат. Тушто Европысо стандартлан келшен толшо кум манежым ыштыме, тышеч иктыжым турнирлан келыштарыме. Имне-влаклан душ, солярий, куржталме да каныме вер-влак улыт.