Имбирь полша

— Имбирь вож пагар ден шолын пашаштым саемда, уто нелытлан погынаш ок пу. Пеллитр шокшо вӱдыш ик изи совла вичкыжын пӱчкедыме свежа имбирь вожым пыштыман да пел стакан дене кечыгут йӱман.

— Ик изи совла тыгыдемдыме имбирь вожым икмыняр пӱй тыгыдемдыме чеснок ден варыза, термосыш пыштыза да шокшо вӱдым темыза. 15-20 минут гыч шӱрыза да изин-изин кечыгут йӱза.

— Каструльыш 500 мл вӱдым темыза. Тушко 20 г вичкыжын пӱчкедыме имбирь вожым да тыгыдын падыштыме пел лимоным пыштыза. Изи тулышто 15 минут шолтыза. Изиш йӱкшымеке, кок изи совла мӱйым ешарыза. Изин-изин кечыгут йӱман.