Таче Йошкар-Олаште верланыше «Сердце матери» республикысе волонтер-влакын пӧлемыште тыныслык верч шогышо герой дене вашлиймаш эртен.
Гоша 9 майыште 10 кечылан мӧҥгыжӧ каналташ толын. Марий Элыш пӧртылмекыже, ӱмыр лугыч лийше боец-шамычын шӱгарышкышт миен коштын.
Вашлиймаште Григорий дене пырля пелашыжат лийын. Нунын ныл шочшышт уло. «Пӧртылшӧ ачаштым икшыве-влак кечыгут ӧндалыныт», — палемдыш пелашыже.
Григорийлан сар нерген каласкалаш моткоч неле ыле, шуко ойленат ыш керт. СВО кундемыш полышым колтышо-влаклан тауштыш.
«Тек тыгай пуламыр вашкерак пыта, ме тидлан чылажымат ышташ тыршена. А салтак-влаклан мӧҥгӧ таза пӧртылаш тыланем», — манеш Григорий.
Ушештарена: СВО-што улшо-влаклан полшаш «Сердце матери» волонтер ушем гоч лиеш. Соцкылласе нунын лаштыкыш пурен, мо кӱлешым рашемден кертыда.
В.Ядыкова.