Кодшо ийын Кожевниковмыт ешыште кумшо икшыве шочын. Екатерина кызыт йоча дене мӧҥгыштӧ шогылтеш, а тудын ямдылыме марий кочкышыжым «Марий сийгудо» рестораныште тамлен онченна. Тений сентябрьыште София ик ийым темен. Юарла, куржталыштеш, 11 тылзаш «чапам налын». А эн кугуракышт, Эльза, ик колледжыште «Социальное право» специальность дене икымше ий тунемеш. Яндар 6-шо классыш коштеш. Шочшышт ачашт семынак мастар кушкыт, усталыкыштым «Воштончыш» образцовый музыкально-драматический театрыште икмыняр ий таптеныт.
Марий самырык театрын актёржо Александр Кожевников мастарлыкше дене калыкым утыр куандара. 2004 ий годсек театрыште погымо усталык шондыкшым почын, уло вийжым да моштымашыжым сценыште ончыкта.
Усталык шондык
Мастарлык нумалтышыш погым А.Кожевников И.С.Палантай лӱмеш тӱвыра да сымыктыш колледжыштат ныл ий оптенам манеш. 3-шо курсышто студентлан «Кот в сапогах» спектакльыште Пырысын рольжым ӱшаненыт. Тиде икымше тӱҥ рольжо лийын. Ты йомакым «Театральное студенчество» фестиваль-конкурсышто ончыктеныт. Варажым тудым, уэмден, Марий самырык театрын репертуарышкыже пуртымо. Пырысым актёр шуко жап модын. А 2017 ийыште ты пашажым «Йошкар-Ола театральная» фестивальыште «За артистическое обаяние» спецприз дене палемденыт.
…
«Кажне рольым чоным пыштен модам, кажне роль ойыртемалтше. Южгунам ик шомакымат от ойло гынат, тудо калыклан шарналт кодын кертеш. Артист улам гын, чыла койышымат кучылт моштыман. Його койышат кӱлешан, мутлан, Обломовын образшым ышташ полша», – ойла А.Кожевников.
…
Умбакыже — «Кугарня» газетыште (2022 ий 25 ноябрь). http://Кевыт