Шинчымаш кечын Марий Элыште «Профессионалитетын» иканаште кок кластерже почылтын.
Йошкар-Оласе строительный да Автодорожный техникумлаште чоҥымо да транспортный отрасль-влак дене производственно-образовательный рӱдер-влак пашам ышташ тӱҥалыныт. Ты паша «Молодёжь и дети» нацпроект почеш шукталтеш.
Мастерской ден тунемме кабинет-влакым олмыкташ, оборудований ден техникым наледаш туныктымо тӧнеж-влаклан 280 млн наре теҥгем ойырымо. Йошкар-Оласе строительный техникумышто тыгай рӱдерым пайремлын почмашке Марий Элым Вуйлатыше Ю.Зайцеват миен.
– Республикысе профобразованийым вияҥдымаште тиде кугу ошкыл. Чоҥымо паша экономикын ик эн тӱҥ отрасльжылан шотлалтеш, ынде студент-шамыч кызытсе жаплан келшыше оборудований полшымо дене кӱлешан профессий-влаклан тунем кертыт, – ойлен Юрий Зайцев.
Фотошто: Юрий Зайцев Строительный техникумысо рӱдерым почмашке миен.
Марий Элым Вуйлатышын пресс-службыжын фотожо.