Российыште 1 декабрь гыч жилищный законодательствыште кугу вашталтыш лиеш.
Нуно тӱшка погым кучылтмо, управляющий компанийла дене кылым кучымо дене кылдалтыныт. Мутлан, кондиционерым, спутник антенным да пӧрт фасадлаште моло элементым вераҥдаш тӱшка погынымашын пунчалже кӱлеш. Подвалым, пӧрт туврашым але технический пачашым вес еҥлан айлаш пуымо шотыштат каҥашыман. Тыгодым тыште илыше-влакын кумшо ужашыже тиддене келшышаш. Пунчал-влак шотышто протоколым обязательно ыштыман. Южо йодыш дене законышто палемдыме огыл гын, тидым шукырак еҥын йӱклымыж дене ышташ лиеш.