Марий Эл Республикым вуйлатыше А.Евстифеев регионым вияҥдыме шотышто правительственный комиссийын эртарыме видеоконференцийышкыже ушнен. Тушто «Жильё и городская среда» нацпроектым илышыш шыҥдаралтмым каҥашеныт.
2020 ийыште 363 тӱжем квадрат метр илыме верлам чоҥен шуктыман. 25 декабрь марте эше 12 пӧртым (65,2 тӱжем квадрат метр) ыштен шуктат. 2025 ий марте «Переселение граждан из аварийного жилищного фонда» регионысо проект почеш 400 аварийный пӧрт гыч еҥ-влаклан у пачерым пуышаш улыт.