Педагог-сӱретче Г.И.Летовын Оршанкысе педучилищыште туныкташ тӱҥалмыжлан тений сентябрьыште 50 ий темеш.
Удмуртийыште шочын-кушшо да направлений почеш Марий кундемыш пашам ышташ толшо рвезе тунам тыгай палыме да уста сӱретчыш савырнем манын шоналтен мо, ала… Моткоч проста, поро, тыматле койышан да мыскара шӱлышан еҥ. Тыгай улмыжланак кӧра студент ден туныктышо-влак пагалат.
Шукерте огыл ты тунемме верым шуко профилян колледжыш савырыме. Ятыр жап зданий ончылан мастар кидан еҥын ямдылыме стеле шоген. А пырдыжыште кӱшнӧ кызытат сӱретчын эмблемыже торашке волгалтеш.
А сӱретше-влакым ончетат, чынжымак, илышлан куанет да, умбакыже моторлыкым ужын, илыме шуэш!
МАКЕ-ВЛАК.
Эльвира ТЕРЕНТЬЕВАН фотожо-влак.
УМБАКЫЖЕ — «Кугарня» газетын 2-шо сентябрьысе номерыштыже лудса.