2019 ий годсек Марий Элыште «Антинаркотический десант «Жить! Любить! Верить!» лӱман проект илышыш пурталтеш.
3-7 октябрьыште специалист-влак наркотик ваштареш кучедалме тӱрлӧ мероприятийым эртарат. Школышто тунемше, нунын ача-авашт, туныктышо, «неле» еш-влак дене вашлиймаште тӱрлӧ йӧным да формым кучылтыт.
3 октябрьыште тыгай десант Медведево районышто лийын. Марий Элысе МВД-н, Республикысе наркологий диспансерын, «Доверие» рӱдерын пашаеҥышт, медик-волонтёр-влак да молат наркотик дене пайдаланымылан да шаркалымылан юридический могырым мут кучымо нерген умылтарымаш сынан вашлиймашым, наркотикын организмлан эҥгекым кондымыж нерген палдарыше квестым, районласе школлаште туныктышо-шамыч дене вашлиймашым, ача-ава погынымаш-влакым да молымат эртареныт. Тыгак самырык-влаклан республикысе театр «LIFE MUST GO ON» спектакльым ончыктен.
МВД-н сайтше гыч налме фото.