29 октябрь гыч 1 ноябрь марте Москошто IX Dance Inclusive куштымо тӱнямбал фестиваль гыч Марий Элысе балет куштымаш шотышто «Дебют» образцовый ансамбль икымше вер дене пӧртылын.
Тиде коллективым «Жизнь в танцах» социально-инклюзивный проект почеш ыштыме. Тудым ансамбльым вуйлатыше Анна Соколова ден Инвалид-влак ушемын Марий Элысе пӧлкажым вуйлатыше Наталья Богомолова ынде икмыняр ий илышыш шыҥдарат. Москошко вич еҥ миен коштын, сценыште кум еҥ куштен. Иктыже – инвалид коляскыште шинчыше марий ӱдыр Наталья Ошаева.