Калтаса район Павасола школым тунем пытарымылан 2018 ийыште витле ий темын. Вашлиймашке 65 ияш кугызай-кувавай-влак чумыргышна. Школ пеш чапле, кок пачашан, оласе гай чучеш. Ончен куанет. А мемнан икымше классыш кайыме годым тыгай мотор школ лийын огыл, туге гынат куанен коштынна. Икте-весынам, туныктышо-влакым, школышко коштмо корным шинчавӱд йӧре шарналтышна.
Икымше туныктышына Мария Ахмадиевна Пушкина авана гай чучын. Вет тудо лудаш, возаш, шотлаш туныктен. Южо йоча ноен, шортын гын, ласкан кутырен, умылтарен. Туныктышына кызыт Марий Элыште У Торъял район Тошто Торъял селаште ила. Пелашыже Иван Кириллович дене кум икшывым ончен куштеныт. Мария Ахмадиевналан пеҥгыде тазалыкым, кужу ӱмырым тыланена. Икшыве, уныка-влакын порылыкыштым ужын илаш пӱрыжӧ.
Зинаида ТИМИРБАЕВА-АРШАШ.
Пошкырт кундем, Нефтекамск ола.