25-27 августышто Москошто Икымше тӱнямбал йоча тӱвыра форум эртаралтеш. Тушто Российын чыла субъектше да латик йот эл гыч 12-17 ияш талантан йоча-влак мастарлыкыштым ончыкташ тӱҥалыт.
Нунын коклаште – Марий Элын тӱрлӧ районысо музыкальный школлаж да И.С.Палантай лӱмеш тӱвыра да сымыктыш колледжын Национальный сымыктыш гимназий гыч ӱдыр-рвезе-шамыч. Йоча-влак пел шагаташ программыште сылне марий семым кӱсле, кларнет, виолончель дене шоктат. Эсогыл у сынан кӱсле дене «Король и Шут» группын репертуарже гыч «Кукла колдуна» произведенийым ончыктат. Тыгак марий калык, кундем нерген каласкалат, семмастар-шамыч дене палдарат. Форум жапыште моло калык-влакын тӱвырашт, йӱлашт, мурышт дене палыме лияш йӧн лиеш.
Христина АЛЕКСАНДРОВА.